影片
更多
2024-02-28
44 瀏覽
朋友生日想試啲特別少少嘅嘢，就揀咗佢冇試過嘅威靈頓牛柳，平時都唔多餐廳有得食因為工序相對複雜需時. 今次試咗大角咀呢間開業已經好長時間又極少負評嘅starry night. 餐廳環境掛滿梵高嘅畫，主角”星夜”當然唔少得，店舖不大但唔擠迫唔焗促，整體佈置有藝術氣息, 用餐氣氛唔會太拘謹好適合想舒舒服服食一餐高性價比精緻西餐嘅朋友. 威靈頓牛柳二人餐，有齊頭盤主食仲有威靈頓牛柳同埋甜品，噢咁多嘢食都只係$698咋！出面有啲餐廳淨係呢個牛柳已經貴過呢個餐喇，所以真係超抵食. 不過原來OpenRice仲做緊折 $628就有得食嗱，想試嘅朋友仔可以試吓呢個優惠.頭盤二選一，可以揀煎鵝肝，或者磯燒鮑魚. 主食就九選一（好多crossover菜式, 例如四川麻辣雞髀意大利麵，廣島蠔意大利飯等等），仲有甜品. 另外每位加$20-$50就會有不同飲品. #龍蝦湯個蝦好爽身晶瑩剔透，個湯唔厚身但都幾濃味幾滑. #磯燒鮑魚磯煮保持鮑魚口感爽口彈牙又鎖住醬汁，面頭有蕃茄莎莎酸酸地好開胃，沙律菜清新. #甲羅燒燴意大利飯配自家製白酒忌廉汁呢個配搭唔常見，🦀蟹蓋釀滿蟹膏同蟹肉再鋪上蟹籽夠鮮味層次豐富，就咁食或者撈
威靈頓牛柳二人餐，有齊頭盤主食仲有威靈頓牛柳同埋甜品，噢咁多嘢食都只係$698咋！出面有啲餐廳淨係呢個牛柳已經貴過呢個餐喇，所以真係超抵食. 不過原來OpenRice仲做緊折 $628就有得食嗱，想試嘅朋友仔可以試吓呢個優惠.
頭盤二選一，可以揀煎鵝肝，或者磯燒鮑魚. 主食就九選一（好多crossover菜式, 例如四川麻辣雞髀意大利麵，廣島蠔意大利飯等等），仲有甜品. 另外每位加$20-$50就會有不同飲品.
#龍蝦湯
個蝦好爽身晶瑩剔透，個湯唔厚身但都幾濃味幾滑.
#磯燒鮑魚
磯煮保持鮑魚口感爽口彈牙又鎖住醬汁，面頭有蕃茄莎莎酸酸地好開胃，沙律菜清新.
#甲羅燒燴意大利飯配自家製白酒忌廉汁
呢個配搭唔常見，🦀蟹蓋釀滿蟹膏同蟹肉再鋪上蟹籽夠鮮味層次豐富，就咁食或者撈飯都好好味，燴飯質地軟硬度剛好而且掛滿奶滑忌廉汁芝士香又帶淡淡酒香🥂易入口.
#傳統英式威靈頓牛柳
🤤金黃格仔紋酥皮酥脆，包住一層火腿蘑菇蓉同鵝肝醬,切開後粉紅牛柳溫度熟成道剛好，肉汁飽滿咬落嫰滑肉味香濃，沾上青豆醬南瓜醬調味料及醬汁等味道更昇華，另有配菜薯仔🥔紅蘿蔔蔬菜等更豐盛.
#福岡縣芝士蛋糕
口感棉密結實，芝士🧀奶油士多啤梨🍓藍莓🫐混合吃好滿足.
目測餐廳都幾多熟客，見客人都同店員閑話家常好似老朋友咁，店員都好有禮貌親切，難怪區內屹立多年🙌🏻🙌🏻值得支持呀.
張貼
