越滿 (已結業)

星期日下午與友人在越南餐廳度過一個舒適假日～餐廳座位好寬闊，坐低好舒服，唔會迫到隔離枱。生牛肉河好味，用料好足，啖湯好重牛味。牙車快與炎熱夏天係絕配，酸酸甜甜，加上全部都係菜，開胃兼醒神。豬肉鮮蝦米紙，咬落去口感好豐富，有菜又有肉，而且切得唔大件，方便一口一舊。蒜蓉包好香蒜蓉味，而且係脆口，如果有叫埋咖喱，咁就一絕啦。香茅豬扒飯，都係用比較瘦嘅豬扒，食落去唔有罪惡感，而且炸得好香口，送飯好正。佢有大大個椰青，食完飯，邊傾住計，邊飲椰青都幾享受。最後叫左個滴漏咖啡，我都係第一次試，咖啡會係上面慢慢滴落下面個杯，望住佢慢慢滴落去都幾治癒下。