六小館

去廸士尼睇煙花之前，在東涌食個early dinner，揀咗六小館。🪑環境裝修好雅緻，座位闊落，啲傢具好有質感，最重要係大玻璃窗採光勁好，超有空間感。👧🏻服務殷勤，有主動換碟。🐓三味功夫吊燒脆皮雞 $228雞皮薄又脆，雞肉嫩滑，連雞胸都唔鞋，配上三種醬汁味道好豐富。辣椒醬屬重口味，個人偏愛黑蒜+薑蔥醬，香口得嚟有少少清新感覺，兩個人都食曬半隻🤪🐷拔絲咕嚕黑豚肉 $158黑豚肉超鬆軟，0渣帶少少爽，配上酸甜汁完全唔油膩，一嚿食完到一嚿，食到停唔到口。🎃板燒味醂日本南瓜 $108一開始擔心會太甜，好彩味醂平衡咗個甜味，甚至令南瓜更鮮味。南瓜唔會太爛，有口感，唔錯。總括而言，所有項目都滿意，下次想試下嚟飲茶🫖。📍六小館 (東涌)東涌達東路20號東薈城名店倉6樓601號鋪