McSorley's Brewhouse & Grill (已結業)

4月份有好多朋友生日，諗去邊度慶祝生日又要坐得舒服又食得優質，就選擇去九龍站嘅圓方搵食。圓方呢個地方既高級又大方，而且仲有一間食愛爾蘭菜的【McSorley’s Brewhouse & Gill】，餐廳有2層，下層是飲酒、食小食、睇波、傾計及relax好地方。而上層主要是主食及環境比較幽靜，是一間玻璃屋，四邊都很開揚，樓底高，座位闊落，真係食飯同談心嘅一流好地方。食物方面都好多選擇，我哋點了【頂級安格斯芝士漢堡】，份量很大，漢堡肉汁十足，麵包是脆的，仲有雙層車打芝士，超級滋味。另外【美國重量級厚切炭烤戰斧豚肉扒】是配了巴馬臣芝士，意大利番茄醬，田園沙律。斧豚肉扒是即叫即製，需耐心等候45分鐘，烤好後的斧豚肉扒很香噴噴，肉質非常厚身及結實，一點鞋口都沒有，很好食。至於【煙燻雞肉牛油果沙律】都很不錯， 煙燻雞肉份量十分多，加上牛油果及沙律菜都很新鮮。這次來到圓方食愛爾蘭菜，真係環境及食物都很優質，價錢非常合理，下次必定會再來McSorley’s Brewhouse & Grill 同朋友慶祝生日或食飯傾計，值得再來。