XOXO Café Lab (已結業)

星期六的中午想去一間坐得舒服些小的café 靜靜地咁食個下午茶，同朋友傾下計。本來以為要出旺角先搵到café，但上網找一找之後發覺附近都有一間評價不錯的台韓fusion café，於是就黎試一試。 入黎之後裝修都好新淨，而我地坐既卡位係梳化位，幾舒服。 睇下份menu，都有唔少特別既菜式 我地叫左份 all day 三文治配雞肉及煙肉 份三文治有D 泡泡，細問服務員才知道係蛋白，蛋白泡中間有D 蛋漿，成件三文治都好精美。 另外，我叫左個海鮮抱泡，係鰻魚海鮮味鍋飯。鰻魚好味，鰻魚份量都多，而D 飯都好入味。 飲品叫左個蜂蜜冰綠茶，加左蜂蜜後綠茶唔會太甜，岩岩好既甜度確實係好清新。 冰茉香珍珠奶茶好香奶味，岩哂我。 食飽飽之後飲住杯凍飲傾下計，叉夠電再去淘大商場去睇玩具XD。