千歲擔擔麪

營業中

休息中

去觀塘睇戲，開場之前先醫飽個肚，去附近商場見到呢間有擔擔麵食，即管入去試吓，唔想食得咁飽，只點了幾樣同老公一齊share。蔥爆牛肉D蔥同牛肉比例唔太對稱，其實牛肉都好多，不過蔥真係勁多。D蔥爆得好香，可以當菜咁食。牛肉好腍，食落好蔥香味。亁扁四季豆$73上枱時可能隻碟太大，望落好似好少，不過食食下覺得好多。四季豆食落幾爽口，唔會成碟都係油，肉碎好香，唔錯。詠藜園擔擔面$43辣醬可以要求另上，呢個安排幾啱唔太食得辣嘅老公。個湯底幾特別，老公幾鍾意同平時食既唔同，覺得麻醬味偏少，花生味好重，麵條好煙靭爽滑，肉碎份量都唔少，的確招牌菜。楊家小籠包(4隻）$48小籠包皮好簿，唔小心整穿咗一隻，有d可惜，餡料都幾鮮，湯亦鮮甜。