度小月 (時代廣場) (已搬遷) 新店位置

好多人對台灣度小月最有印象就係擔仔麵，其實除咗擔仔麵，仲有好多嘢係值得食雖然星期日，食客唔多，點咗擔仔麵，薑粒櫻花蝦炒飯，炸花枝丸，擔仔麵保持一貫嘅美味，細細碗，一啖仔，湯汁好濃，肉碎唔肥，重有一隻彈牙嘅蝦我叫櫻花蝦炒飯，因為見到隔離枱個男人食得津津有味，飯到啦，炒得好乾身但唔硬，有薑粒，椒粒，碎蛋，仲有好多櫻花蝦，幾種餸料咬落口，𡁻下𡁻下，太好味，食晒成碟都唔夠飽花枝丸炸得唔會過火，外皮脆，裏面唔會乾身，好彈牙，點啲調味粉，夠晒味但又唔會咸