蘇媽.蘇媽馬來西亞美食店 (已結業)

今日黎到呢間小店，佢有兩層，樓下係點餐同製作食物，行到側邊上閣樓就可以上樓上一邊涼冷氣一邊食，大熱天時最需要😂麵食同飯類都有分普通Size或大Size，本人細食，所以叫左普通Size。點完餐黎，問職員係樓上等定自己拎野食（見之前食評都話職員會拎埋上黎），可能個日員工唔多，職員話自己等埋野食先上去。其實樓下有類似Bar枱位，佢有個冷風機，不過夏天都係唔夠。拎埋野食就上樓上自己搵位坐，樓上有野餐具紙巾提供。不過餐具都係即棄，雖然方便職員，但真係唔係幾環保🙈今次試湯咖哩同招牌老鼠粉。先講湯咖哩🍜，相對較為淡味，麵硬度適中，細細碗但都足料，有大件雞件。至於老鼠粉，其實有D似魯肉銀針粉，較為重口味，記得要撈混先好食，唔係D醬同肉沈係底食唔到。 本人覺得呢個幾好味，好夠味，除左肉碎，仲有幾肉簿豬肉。女仔唔大食普通Size好夠，男仔可能要大份先得，佢D小食價錢都唔貴，抵食！