囍源古早蛋糕 (已結業)

星期五放工後去左深水埗買古早蛋糕黎食，因為好耐無食，好掛住佢。囍源古早蛋糕既蛋糕低糖、少油、無添加，以正宗古早味蛋糕既水浴法整，所以蛋糕唔會燶邊燶底，隔得耐都唔會好縮水，係良心小店。仲可以提早三日預訂想要既口味。今次我就揀左兩隻味。朱古力栗子$80加特級骯髒$15切開就會見到中間個層搽滿晒，絕無呃秤，面面頭就灑滿朱古力脆脆。朱古力味好濃郁，屬於大人味既朱古力，唔太甜，蛋糕質感好軟熟濕潤。斑蘭咖吔$75蛋糕同樣鬆軟，充滿水分，好難得斑蘭味好出，清清地又唔膩，好食。蛋糕食唔晒，第二日早餐之後後先擺入雪櫃，可以擺三日。凍食一樣甘出色，仲幾夾添。