橫街窄巷

營業中

休息中

.用餐日期： 2023年1月 午餐位於工廈入面既cafe小店，一出lip仲以為自己去錯地方，點知入到舖頭原來別有洞天，餐廳唔大但裝潢幾雅致，即刻覺得自己文青左。店內座位唔多，仲有少量係吧枱位，採用開放式廚房，但油煙味唔大。旁邊設有冷熱水比客人自助享用。《+$20 跟餐 牛肝菌松露雜菌濃湯》⭐⭐⭐一入口feel到個湯好濃，好手工既感覺。蘑菇蓉好多，好細粒，飲落會有D顆粒感，松露味又唔會太重，唔會成陣石油氣味。《$78 蒜片白酒汁鮮蜆扁意粉》⭐⭐⭐⭐⭐呢個價錢餐廳比左15-20隻蜆，真係好良心，蜆肉隻隻飽滿冇沙，咬落啖啖肉，又彈又juicy。用左白酒僻腥，仲有蒜片牛油汁，牛油超香又唔會太重蒜味，食完個碟底唔會好多油，高質之選。《$78 菠菜忌廉汁煙三文魚雜菌扁意粉》⭐⭐⭐⭐其實餐廳煮既意粉都偏硬身，朋友就話岩岩好，都要睇番個人口味。煙三文魚冇咩特別，都係超市買到果種，菠菜忌廉汁超creamy，意粉都好掛汁，好食但相比起蜆肉意粉就普通一點。總括而言，收費合理，食得出食材高質，每一part都好有心機去做，算係良心小店，推薦各位可以一試。人均消費：$150環境：8/10食物：9/10服務：8.5