王孖記果子 (已結業)

舖頭細細，但生意超旺既荔枝角小店。平時主力賣黃薑飯同芒果糯米糍。過時過節會推出節慶食品，今個新年就出左4款賀年糕點預訂，短時間內已經full哂無得再加單。第一款，黃絲蘿蔔糕，同傳統蘿蔔糕既顏色唔一樣，係因為加左黃薑製作，簡單切粒煎香已經好好味，而且食得出好足料。最推薦呢款！第二款，良芝麻糕，唔係普通用芝麻粉製作，而係親自磨碎芝麻加工而成，超濃芝麻味，凍食一流！第三款，齊齊奶黃糕，味道唔算好濃，但非常好味。而且攞貨果陣仲會溫馨提示埋食用期限，因為全部都無落防腐劑，所以唔可以存放好耐，一般10日內就要食哂佢。第四款，香芒加柚糕，就是芒果柚子糕。四款入面，反而覺得呢個相對普普通通，芒果同柚子既味道都岩岩好，略嫌味道偏淡。糕點既份量大概係一個250ml既紙包飲包咁上下大小，姐係一人份量，當一個正餐咁食都幾足夠。