甜品森林

營業中

休息中

因為住店舖附近，一直有幫襯甜品森林，但就食開佢嘅中式甜品，廿幾三十蚊碗，足料抵食，最鍾意蛋白杏仁茶，綿密香濃，唔死甜。不過呢日食嘅係晚市套餐，有湯有意粉，都幾好食。蘑菇湯係自家製，唔係罐頭，食到粒粒蘑菇蓉，有菇香。至於煙鴨胸番茄意粉材料豐富，調味適中。呢間小店比起一般西餐廳煮得健康，落少d 忌廉，芝士、黑椒同茄膏，當然味道就無咁濃郁，但對街坊黎講，輕口味D經常食都唔怕，係可以當為食堂嘅社區小店。老闆娘服務親切，仲係良心真香港人，又環保，值得支持呀。