影片
更多
2021-04-13
87 瀏覽
出去食飯都想食得健康啲，見到呢間餐廳係無味精無添加食物，梗係要去試吓~平日晚上7:30，喺門口見到好多人等緊外賣，入面都坐滿人，不過人流好快，等咗一陣就有位。打開Menu都有唔少款式：除咗最多人推介香煎蓮藕餅豬扒飯，另外叫咗柱侯牛筋腩手打麵，再加小食同大碗老火湯。香煎蓮藕餅豬扒飯 $50：聽講每塊豬扒都以人手逐塊揼鬆，再以果汁醃肉，好用心！豬扒勁鬆軟，入口一啲都唔似豬肉😳而特制醬料令豬扒帶有甜味，好好味💕蓮藕餅煎得香脆，鬆軟嘅肉餅入面有爽口的蓮藕，2樣送飯一流！果然係招牌！$50仲附送一碗細湯好抵食啊！是日係海底椰栗子煲豬展湯，湯好有住家feel，都好清甜。柱侯牛筋腩手打麵 $50：手打麵有紫薯，甘筍，菠菜俾你揀，本來想揀紫薯，可惜賣晒🥲最後揀左甘筍麵，麵條都彈牙，但個人覺得甘筍味好普通，同平時普通麵條差唔多。麵嘅湯底係雞湯，都好濃郁~柱侯牛筋腩嘅腩汁好香，牛筋吸晒啲汁好入味，牛腩雖然肉質好軟淋，可惜未夠入味。蠔油油菜菜心 (+$12)：菜心新鮮，菜葉好翠綠，唔會煮得過熟香茅雞翼 (3隻) $28：雞翼煎得好香，嗅到香茅味，我覺得可以再醃耐啲。旁邊有榨菜，配埋一齊食，酸酸味味又別有一番
平日晚上7:30，喺門口見到好多人等緊外賣，入面都坐滿人，不過人流好快，等咗一陣就有位。
打開Menu都有唔少款式：
除咗最多人推介香煎蓮藕餅豬扒飯，另外叫咗柱侯牛筋腩手打麵，再加小食同大碗老火湯。
香煎蓮藕餅豬扒飯 $50：
聽講每塊豬扒都以人手逐塊揼鬆，再以果汁醃肉，好用心！
豬扒勁鬆軟，入口一啲都唔似豬肉😳而特制醬料令豬扒帶有甜味，好好味💕
蓮藕餅煎得香脆，鬆軟嘅肉餅入面有爽口的蓮藕，2樣送飯一流！
果然係招牌！
$50仲附送一碗細湯好抵食啊！是日係海底椰栗子煲豬展湯，湯好有住家feel，都好清甜。
柱侯牛筋腩手打麵 $50：
手打麵有紫薯，甘筍，菠菜俾你揀，本來想揀紫薯，可惜賣晒🥲
最後揀左甘筍麵，麵條都彈牙，但個人覺得甘筍味好普通，同平時普通麵條差唔多。
麵嘅湯底係雞湯，都好濃郁~
柱侯牛筋腩嘅腩汁好香，牛筋吸晒啲汁好入味，牛腩雖然肉質好軟淋，可惜未夠入味。
蠔油油菜菜心 (+$12)：
菜心新鮮，菜葉好翠綠，唔會煮得過熟
香茅雞翼 (3隻) $28：
雞翼煎得好香，嗅到香茅味，我覺得可以再醃耐啲。
旁邊有榨菜，配埋一齊食，酸酸味味又別有一番風味。
大碗老火湯$28：
因為麵唔包湯，所以我另外叫左碗大嘅。
海底椰栗子煲豬展湯，有滋潤肺胃、健脾補腎功效，飲落清甜冇味精~
總結：食物質素高，份量都唔細，仲要冇味精，好抵食！好有住家菜feel! 職員服務質素亦好好，好nice~ 下次要早啲去食紫薯麵。
張貼
