源味甜品小食 (已結業)

中式糖水舖始終都係不會被新派甜品舖取代到架！太花巧都未必係好事，基本做得好先至係強盜。紅磡曾經有一間好大間既糖水舖（機舖對面），外界多數都識得佢，但幾年前係紅磡開左呢檔中式糖水舖後，真係每次想食中式糖水都係嚟呢度，平，足料，好味！佢真係好細間，得幾個位，所以99%都係買外賣，今次堂食，叫左一碗薑湯蔴蓉湯圓，好好味，夠薑，蔴蓉味夠，皮軟糯。另外叫左碗鮮芒果涼粉，好大碗囉。坐就真係好逼架喇，食完拿拿臨走等下一輪客有得坐低食。