三友屋 (已結業)

慈雲山朋友推介的良心小店，餐廳免開瓶費，特別適合我地班酒鬼。餐廳主打串燒，但老闆兼主廚杰哥係中廚出身，食過幾次之後我地就要求多多，要求杰哥幫我地做海鮮小菜。之前曾經試過紅燒斑翅同燒豬鞍都好好味，仲有薑蔥同椒鹽都好有水準。所以今晚就叫杰哥幫我地安排煎牛小排、椒鹽鮑魚、薑蔥魚標、燒鱔、燒雞皮。串燒嘅食物依舊係冇得輸，燒鱔同燒雞皮係必食，兩樣都係每日新鮮供應。椒鹽同薑蔥仍然有水準，下次可以再試試煮其他食物。牛小排有少少過咗火，靚嘅牛肉唔需要太熟，配菜嘅串茄食得出係靚野唔係大陸貨，反影意見之後，希望下次可以做得更加好。