茶星人 (富康花園) (已結業)

🔸黑糖波霸鮮奶 700ml $35-咁啱行街去開將軍澳，梗係要撐吓呢度嘅良心手搖小店啦！！茶星人最近喺將軍澳新開嘅分店。大大塊霓虹燈牌匾勁吸睛啊，話說俾我發現咗原來每間分店塊燈牌都係唔同色，等我遲啲去多幾間分店打卡先！😎今次飲咗黑糖波霸鮮奶，黑糖同鮮奶嘅完美比例，入口非常香滑，加埋珍珠煙韌有咬口。最搶眼嘅當然就係個手搖杯啦，明嘅就明不解釋。天氣咁熱辣辣飲返杯手搖真係正啊！下次要試埋其他水果沙冰先得！