茶餐廳2.0 (已結業)

咁多間茶記任你揀有咩條件先至係最緊要呢，，當然係有良心啦，呢間cafe 2.0仲要唔只有良心，仲要係好好食。今日晏晝喺大埔中心想搵個下午茶食，即刻就諗起呢度。朋友話有少少肚餓所以叫咗個午餐。今日試呢個巴基斯坦咖哩雞翼飯，真係好有誠意。個咖哩汁唔太辣但係整得好好，好多唔同嘅香料喺入面。唯一美中不足嘅係雞翼得四隻，要多兩隻先夠飽。而我就叫咗呢個下午茶，芝士焗熱狗，熱狗加咗芝士醬同埋沙律醬先落去焗，即刻覺得冇咁頹。薯條係粗薯條，炸得好夠味。加埋杯凍飲真係沖得幾好，茶底夠香。下次再食過。