影片
更多
2018-03-17
818 瀏覽
友人一向愛吃豆腐花，而我就係豆漿的粉絲，早兩天去銅鑼灣吃越南菜，發現時代廣場附近的霎東街，新開左間「合和荳品」。講真，近年專賣豆花、豆漿同煎釀豆腐的店舖，真係買少見少。見門口貼左餐牌，跓足細看，嘩！原來價錢都幾經濟，原味豆漿，一杯盛惠 $8，而原味豆腐花，一碗亦只是 $12。講起上嚟，我也很久沒幫襯呢類荳品店，趁周末嚟開銅鑼灣，就順道過來嘗新。店子地方雖然不大，門面細小，一眼望曬，但亦稱不上狹窄。近門口位置放左兩張圓檯，後面一排打直就擺左五張四人方桌同一張二人檯，而右手邊就係開放式廚房，裝修雖然比較簡樸，但環境乾淨企理。細看餐牌，原來店子除了主打自家製的豆漿、豆腐花和荳品小吃外，還有不少休閒小食，如腸粉、魚蛋、燒賣、粉果等，另外亦有柴魚花生粥、豉油皇炒麵同糯米雞等供應，所以就算嚟當正餐吃，一樣無問題。由於連早餐也還沒吃，所以決定先點幾樣飽肚的食物。先來嘅柴魚花生粥 ($20)，粥底好綿，而且用料十足，柴魚和花生下得夠慷慨，柴魚雖然較粗嚡，但切得細塊，煲至腍碎，出口感。花生大大粒，又腍又香，配上豬骨，為滑溜的粥底，增添鮮味。接著的豉油皇炒麵 ($18) 同糯米雞 ($28)，味道亦不
友人一向愛吃豆腐花，而我就係豆漿的粉絲，早兩天去銅鑼灣吃越南菜，發現時代廣場附近的霎東街，新開左間「合和荳品」。講真，近年專賣豆花、豆漿同煎釀豆腐的店舖，真係買少見少。
見門口貼左餐牌，跓足細看，嘩！原來價錢都幾經濟，原味豆漿，一杯盛惠 $8，而原味豆腐花，一碗亦只是 $12。講起上嚟，我也很久沒幫襯呢類荳品店，趁周末嚟開銅鑼灣，就順道過來嘗新。
店子地方雖然不大，門面細小，一眼望曬，但亦稱不上狹窄。近門口位置放左兩張圓檯，後面一排打直就擺左五張四人方桌同一張二人檯，而右手邊就係開放式廚房，裝修雖然比較簡樸，但環境乾淨企理。
細看餐牌，原來店子除了主打自家製的豆漿、豆腐花和荳品小吃外，還有不少休閒小食，如腸粉、魚蛋、燒賣、粉果等，另外亦有柴魚花生粥、豉油皇炒麵同糯米雞等供應，所以就算嚟當正餐吃，一樣無問題。
由於連早餐也還沒吃，所以決定先點幾樣飽肚的食物。先來嘅柴魚花生粥 ($20)，粥底好綿，而且用料十足，柴魚和花生下得夠慷慨，柴魚雖然較粗嚡，但切得細塊，煲至腍碎，出口感。花生大大粒，又腍又香，配上豬骨，為滑溜的粥底，增添鮮味。
接著的豉油皇炒麵 ($18) 同糯米雞 ($28)，味道亦不俗，炒麵用料雖然唔算講究，但麵條炒得乾身不腍，入口煙韌又帶點爽，有油光卻不覺膩，如果可以加點銀芽，食味應該會更佳。糯米雞非常大隻，打開荷葉，香味十足，飯同汁比例幾平均，食落好夠味，唯一就是稍嫌中間嘅餸料不多，只有臘腸、冬菇同肉粒。
荳製品是店裡的主角，一場嚟到，當然要試，揀左煎釀豆腐 ($16) 同滷水豆腐各一。釀豆腐即叫即煎，做得似模似樣，件件都大小一致，入口豆味香濃又不會一夾即散。豆腐面頭釀入了手打鯪魚肉，加上外層煎至金黃，食落香脆彈牙又重魚味。建議大家點一些辣椒醬吃，更加惹味。
至於一份有五件，方形呈磚狀的滷水豆腐 ($16)，口感亦挺特別，吃起來香軟又不失彈性，而且個滷水汁幾清甜，不會因重味而搶盡豆香。
豆漿同豆花當然亦屬必吃之選，據說店子嘅荳製品，全部選用加拿大黃豆，每日於店內磨漿炮製，而這兩碗就係薑汁紅豆豆花 ($25/熱) 同薑汁綠豆豆花 ($25/熱)。豆腐花豆味十足，而且口感絲滑，入口如水般順喉直下，紅豆煲到粒粒爆開，軟硬適中、綠豆淡雅清香又有咬口，與滑溜的豆腐花混和著一起吃，味道更香甜。
結尾嘅薑汁芝麻豆漿 ($15/凍)，薑味唔算太重，反而芝麻味較突出，加上豆漿的清新豆香，味道唔錯。由於用料十足，芝麻多到會沉澱在杯底，所以喝前緊記要攪勻先飲。香港地寸金尺土，以咁嘅價錢喺銅鑼灣賣荳品，實屬少見，大家經過開，不妨支持下。
張貼
