鰹烏冬 (駱駝漆大廈第三座)

營業中

休息中

位於觀塘駱駝漆大廈既「鰹烏冬」除左觀塘店之外，長沙灣都有一間分店。店主因為熱愛日本文化，睇左一套有關烏冬既電影，之後特登跑到日本學習讚岐烏冬既傳統製作方法，學有所成後就番黎香港建立鰹烏冬。除左開店賣烏冬之外，店主仲會開班教整烏冬添，又會介紹讚岐烏冬文化，真係睇得出店主對讚岐烏冬文化既一份熱誠。佢既烏冬有冷烏冬同熱烏冬選擇，又有粗幼之分，味道都有十幾款，仲有幾款小食添。我地點左鰹魚清湯、鰹魚湯咖哩，配金菇牛肉卷、骨付雞另外再加左個關東煮。手打烏冬彈牙可口、骨付雞外脆內嫩、金菇肥牛煎過有牛肉汁金菇唔太癡牙，關東煮好足料。除左堂食之外，佢仲有賣烏冬俾你返屋企自己煮架。