影片
更多
2019-11-18
2791 瀏覽
呢排唔少人都跟住啲黃色經濟圈嘅apps去搵嘢食，作為一個正常嘅香港人，當然亦都要支持小店，咁啱喺荔枝角附近嘅工廠區，見到呢一間王孖記果子店，由一對公公婆婆同埋一個後生仔打理，相信應該係佢哋嘅屋企人啦。一般嚟講喺香港搵到啲三四十蚊嘅午餐外賣，都已經算係幾平幾抵食，估唔到呢間舖頭竟然低處未算低，最平嘅飯係23蚊起，味道都唔錯㗎。不過我今次食嘅呢一個黃薑雞髀飯，雖然要40蚊，質素同價錢成正比之餘，最重要嘅係佢支持年青人，願意捐錢支援香港嘅後生仔，淨係呢份情，我都已經好感動，當然要幫襯一下佢。40蚊一個飯盒，跟嘢飲同埋生果杯，仲要捐多五蚊出去，真係良心價。而且雞髀燒得好香好好味，沙爹汁少少辣，但都好惹味，黃薑飯亦都好香，絕對係誠意之作。而且水果夠新鮮夠甜，亦都唔會因為係送嘅，而用啲唔靚嘅生果。絕對支持良心小店！！！！
呢排唔少人都跟住啲黃色經濟圈嘅apps去搵嘢食，作為一個正常嘅香港人，當然亦都要支持小店，咁啱喺荔枝角附近嘅工廠區，見到呢一間王孖記果子店，由一對公公婆婆同埋一個後生仔打理，相信應該係佢哋嘅屋企人啦。
一般嚟講喺香港搵到啲三四十蚊嘅午餐外賣，
都已經算係幾平幾抵食，估唔到呢間舖頭竟然低處未算低，最平嘅飯係23蚊起，味道都唔錯㗎。
不過我今次食嘅呢一個黃薑雞髀飯，雖然要40蚊，質素同價錢成正比之餘，最重要嘅係佢支持年青人，願意捐錢支援香港嘅後生仔，淨係呢份情，我都已經好感動，當然要幫襯一下佢。
40蚊一個飯盒，跟嘢飲同埋生果杯，仲要捐多五蚊出去，真係良心價。而且雞髀燒得好香好好味，沙爹汁少少辣，但都好惹味，黃薑飯亦都好香，絕對係誠意之作。
而且水果夠新鮮夠甜，亦都唔會因為係送嘅，而用啲唔靚嘅生果。
絕對支持良心小店！！！！
張貼
