茶星人 (富榮花園) (已結業)

喺大角咀想飲珍珠奶茶嘅選擇唔算多，不過最近就開咗一間良心茶飲店。呢間茶飲店之前喺美孚已經有分店，我每次去美孚都會幫襯下，支持下良心經濟圈，今次佢喺大角咀開分店，我當然都要試吓啦。手工芋泥烏龍鮮奶手工芋泥好足料，飲落除咗有好香濃嘅芋頭味之外，仲會有粒粒嘅芋頭，帶有口感，而烏龍茶嘅味道亦都冇比芋泥完全搶走，烏龍茶茶味都香濃。飲完呢一杯茶星人特調之後，都幾飽肚。芝芝芒芒夏天總係會想飲有關於芒果嘅特飲，而芝芝芒芒都係我近年嘅大熱之選。清新嘅芒果配上濃厚嘅芝士奶蓋，的確係絕配。呢度嘅芝士奶蓋都做得幾出色，夠香夠濃之餘，再配上適量嘅鹽味，更加能夠帶出芒果嘅鮮味。