翠亨邨 (新世界大廈)

營業中

休息中

好耐冇同朋友一齊食飯，今晚挑選了中環翠亨邨，地點就係中環新世界大廈，非常方便。呢道最好就係可以book間房，甘食飯就可以更加有私人空間感。醉乳鴿：乳鴿個味道係豉油皇汁底，入口帶有醬油味道，而且酒味香濃。金沙鹹蛋黃炸南瓜呢道菜非常特別，鹹蛋黃嘅鹹香味道非常突出，而且入口帶有流沙的感覺。牛展嘅滷水味道滷得非常入味，不過略嫌肉質不夠嫩腍。避風塘茄子，炸得非常香脆，入口茄子肉好綿好軟。其實呢個湯我唔知道咩名堂，不過都有好多材料，有大大隻冬菇，入口非常嫩滑，又有大白菜，亦都有竹笙。雖然我唔太肯定呢個係唔係一個素湯，但係味道入口非常清甜。另外意想不到嘅係，呢度嘅蜜汁叉燒，簡直係全晚最好食嘅一道菜，豬梅肉肥瘦適中，入口非常軟腍，而且蜜汁味道非常濃郁，值得推薦！！～羊架用上蜜汁來煎焗而成，甜甜哋都幾特別。大蝦帶子蒸釀豆腐，大蝦同帶子都非常之大隻，非常新鮮。脆炸大蝦上面還配上魚子醬，非常矜貴。甜品都好好食，呢個薑汁棗皇糕，薑汁味非常濃郁好食。整體來講，餐廳啲食物應該都有用心改良過，而家出嘅中菜都比以前更加特別，而且味道都唔錯，下次有機會都會再來。