影片
更多
2021-09-16
42 瀏覽
水餃就食得多，尼泊爾嘅餃子就真係第一次試👀 尼泊爾餃子叫 momo，外型同我哋食嘅水餃都好近似。我無食過正宗嘅momo，所以無得比較，但呢間啲款式都幾特別，仲融合咗香港/亞洲特色入去💁🏻♀️佢一共有11款momo，我哋叫咗一籠$98可以揀兩隻味：❤️ Hainanese Chicken Momo個餃皮好靚，係橙紅+白色嘅組合好啱打卡📸 個餃入面係包住海南雞同飯！😮 第一次食餃子係包住嚿飯但個效果係唔違和，佢再跟埋個薑蓉汁食，真係好似食緊海南雞飯咁😆❤️ Swiss-italian cheese Momo而另一隻我哋就叫咗芝士味嘅，入面好似一舊粉團咁，係用麵包+芝士+酒而成，口感煙韌，都幾得意😝❤️ Lamb Rogan Josh Roll $108呢度除咗momo外仲有10款roll，而且好大份，羊肉分量非常多，個捲餅入面仲夾咗啲薯條，聽落好似好奇怪但其實食落唔多覺😎❤️ Orange blossom $42呢度飲品除咗雪櫃嗰啲嘢飲外，仲有cocktail 同mocktail！我哋試咗4款mocktail 嘅其中一款，見佢整呢款mocktail時落咗syrup+橙+梳打水+血橙藍莓汽水 ，再即
尼泊爾餃子叫 momo，外型同我哋食嘅水餃都好近似。我無食過正宗嘅momo，所以無得比較，但呢間啲款式都幾特別，仲融合咗香港/亞洲特色入去💁🏻♀️
佢一共有11款momo，我哋叫咗一籠$98可以揀兩隻味：
❤️ Hainanese Chicken Momo個餃皮好靚，係橙紅+白色嘅組合好啱打卡📸 個餃入面係包住海南雞同飯！😮 第一次食餃子係包住嚿飯但個效果係唔違和，佢再跟埋個薑蓉汁食，真係好似食緊海南雞飯咁😆
❤️ Swiss-italian cheese Momo
而另一隻我哋就叫咗芝士味嘅，入面好似一舊粉團咁，係用麵包+芝士+酒而成，口感煙韌，都幾得意😝
❤️ Lamb Rogan Josh Roll $108
呢度除咗momo外仲有10款roll，而且好大份，羊肉分量非常多，個捲餅入面仲夾咗啲薯條，聽落好似好奇怪但其實食落唔多覺😎❤️ Orange blossom $42
呢度飲品除咗雪櫃嗰啲嘢飲外，仲有cocktail 同mocktail！我哋試咗4款mocktail 嘅其中一款，見佢整呢款mocktail時落咗syrup+橙+梳打水+血橙藍莓汽水 ，再即時喺罐封返個邊，都幾吸引！餐廳推薦度：⭐️⭐️⭐️⭐️ (4/5)
我哋本身想試fire in the hole 系列，但店員提我哋真係好_辣，我哋唔想好似佢個系列名咁🌼🔥 所以冇叫到，大家有興趣可以挑戰吓🤣
張貼
