影片
更多
2019-05-29
58 瀏覽
中環蘇豪區有好多充滿異國風情嘅開放式酒吧餐廳，係拍拖嘅好地方。今晚忙裡偷閒同PoohPooh黎呢度食返餐好嘅，揀左加州菜Big Sur！出面好多人飲嘢傾計，室內就相對溫馨啲好坐啲，頗有情調。NO 10 $70呢度嘅果汁全部都係即日鮮榨嘅，連手調飲品例如cocktail都係用新鮮果汁，難怪飲落甘fresh，唔似出面一般果汁飲品落好多糖漿。NO 10係無酒精飲品，混合左菠蘿、甘蔗、薑同埋檸檬，酸酸甜甜好開胃！Scallop and gazpacho $160青瓜凍湯脆綠嘅顏色好䚍，涼陣陣炎炎夏日食最好不過。上面兩粒大大嘅帶子燒得剛剛熟，好軟熟好鮮甜。Salchipapas $100唔好睇呢碟炸薯餅好似無咩特別，原來係用根芹菜呢種特別培植嘅芹菜變種代替普通薯仔製成。味道同口感都極似薯仔，但係就低啲卡路里，高啲營養價值，罪惡感大減！Hummus, vege and egg $100係店員極力推介底下叫左地中海一帶頗常見嘅鷹嘴豆泥，當沾醬點麵包同埋蔬菜食幾有趣。外脆內軟嘅酸麵包係餐廳自家制，誠意十足！Burnt end fried rice burnt ends $125炒飯選用紅米、白米同埋野
NO 10 $70
呢度嘅果汁全部都係即日鮮榨嘅，連手調飲品例如cocktail都係用新鮮果汁，難怪飲落甘fresh，唔似出面一般果汁飲品落好多糖漿。NO 10係無酒精飲品，混合左菠蘿、甘蔗、薑同埋檸檬，酸酸甜甜好開胃！
Scallop and gazpacho $160
青瓜凍湯脆綠嘅顏色好䚍，涼陣陣炎炎夏日食最好不過。上面兩粒大大嘅帶子燒得剛剛熟，好軟熟好鮮甜。
Salchipapas $100
唔好睇呢碟炸薯餅好似無咩特別，原來係用根芹菜呢種特別培植嘅芹菜變種代替普通薯仔製成。味道同口感都極似薯仔，但係就低啲卡路里，高啲營養價值，罪惡感大減！
Hummus, vege and egg $100
係店員極力推介底下叫左地中海一帶頗常見嘅鷹嘴豆泥，當沾醬點麵包同埋蔬菜食幾有趣。外脆內軟嘅酸麵包係餐廳自家制，誠意十足！
Burnt end fried rice burnt ends $125
炒飯選用紅米、白米同埋野米，好高纖維！加埋溫泉蛋食一啲都唔乾。
Both ribs $260
話明係「both ribs」，既有豬肋骨又有牛肋骨，件數多而且大，啱曬我地兩個食肉獸。個人偏愛牛肋骨，比較入味，脂肪相對少但係肉質依然鬆軟。伴碟嘅蕃薯條係先烚後炸，甜得黎不失口感。
Celebration donut sundae $90
微暖嘅炸冬甩上面糖粉唔會太多，甜度剛好，簡簡單單配埋雪糕同埋紅桑子已經好好味。
唔知係咪因為加州南接墨西哥，Bir Sur嘅食物幾特別，夾雜著美國菜同埋墨西哥菜嘅元素。總括黎講，食物同埋飲品都色彩繽紛，氣氛浪漫寫意，店員服務熱情，會主動介紹食物，有機會一定會再黎。
張貼
