真妮 (已結業)

喺新都城行街發現咗一間色彩繽紛嘅漢堡包店！一入餐廳就有種好夢幻嘅感覺, 牆上排滿一行行五顏六色嘅圓點, 裝修好Colourful🌈一睇個餐牌就發現啲菜式名好搞笑😆, 例如有「鹹魚翻生魚柳漢堡」、「掛羊頭賣羊肉漢堡」等等, 充滿港式玩味呢！全部都係即叫即整, 製作用心, 食物價錢唔貴, 性價比高！漢堡包免費配薯條/沙律, 仲有二人套餐選擇, 更抵食！除咗有漢堡包, 仲有蛋包飯、pizza、小食供選擇🍔含菌量超標漢堡漢堡大大個, 個麵包好鬆軟, 大啡菇厚身又多汁, 食落好Juicy, 裏面仲夾住白菌片、番茄🍅、生菜🥬、黑松露醬, 好味又滿足😋！🍔大菇拉出省城漢堡漢堡包好巨型, 真心有驚喜😍！個包有烘過, 表面脆身, 咬落去好鬆軟, 上面有白芝麻粒, 令到個包更香口～ 中間夾住慢煮牛肉漢堡扒、大啡菇、番茄🍅、生菜🥬、半溶芝士🧀、洋蔥🧅, 食材好豐富！漢堡扒肉質粉嫩且多汁, 牛肉味濃, 加埋大啡菇同秘製他他醬, 個漢堡包更加Juicy, 味道層次豐富！明太子雞翼去骨雞翼釀入明太子, 咬落去啖啖肉, 皮脆肉嫩, 明太子餡料豐富飽滿, 更添一份鹹鮮～