影片
更多
2021-11-20
22 瀏覽
朋友話太耐冇見想出嚟食飯同訴苦，食咩由我話事，記得之前嚟Homeland就係食唔到豬手，為咗填補自己嘅遺憾，所以就的左佢過嚟😂餐廳燈飾好繽紛，啲燈勁靚，牆上面亦都掛咗一啲好得意嘅畫。Floral Tea 花茶 （熱）- 勿忘我Forget Me Not $48我一直以為訴苦係需要飲酒，但我估唔到我朋友竟然話飲花茶，可能佢而家真係比較注重健康。花茶係用茶壺上，會keep住保溫。飲落好香，一邊食一邊飲花茶感覺上係解到膩🙃香辣蕃茄白酒煮藍青口Mussels in Spicy Tomato Sauce $88青口大概有十零隻，係肥美嘅。醬汁係辣嘅番茄汁，酸酸地微辣又開胃又惹味，係呢個時候，我會諗如果多一件蒜蓉包就好啦。香脆德國咸豬手Crispy German Pork Knuckle $258Signature! 今次終於食到豬手，果然無令人失望。豬皮燒得脆口（唔係硬身，係堅脆卜卜)，肉質彈牙唔乾身，配菜有瓜類同薯蓉，薯蓉應該有加牛油同埋牛奶，creamy得嚟又滑，邪惡但好鬼好食囉。香煎美國安格斯牛腹心扒Pan Fried U.S. Angus Bottom Sirloin $228我哋揀咗M
餐廳燈飾好繽紛，啲燈勁靚，牆上面亦都掛咗一啲好得意嘅畫。
Floral Tea 花茶 （熱）- 勿忘我
Forget Me Not $48
我一直以為訴苦係需要飲酒，但我估唔到我朋友竟然話飲花茶，可能佢而家真係比較注重健康。花茶係用茶壺上，會keep住保溫。飲落好香，一邊食一邊飲花茶感覺上係解到膩🙃
香辣蕃茄白酒煮藍青口
Mussels in Spicy Tomato Sauce $88
青口大概有十零隻，係肥美嘅。醬汁係辣嘅番茄汁，酸酸地微辣又開胃又惹味，係呢個時候，我會諗如果多一件蒜蓉包就好啦。
香脆德國咸豬手
Crispy German Pork Knuckle $258
Signature! 今次終於食到豬手，果然無令人失望。豬皮燒得脆口（唔係硬身，係堅脆卜卜)，肉質彈牙唔乾身，配菜有瓜類同薯蓉，薯蓉應該有加牛油同埋牛奶，creamy得嚟又滑，邪惡但好鬼好食囉。
香煎美國安格斯牛腹心扒
Pan Fried U.S. Angus Bottom Sirloin $228
我哋揀咗Medium，餐廳火喉控制得好好，中間粉嫩有肉汁，食落牛味重之餘又腍滑，配菜係翠玉瓜同埋薯蓉。
總結係呢間餐廳嘅性價比高，絕對係值得幫襯💛
張貼
