大壹燒鵝 (啟田大廈)

營業中

休息中

今日喺藍田做完嘢，直接搵埋食，見到呢間餐廳有個$288 三餸一湯加白飯嘅二人餐真係好鬼抵。首先佢個湯好足料，有肉有瓜，係平時飲開嘅老火湯，將所有材料嘅精華就放晒喺呢個湯入邊，本人覺得佢應該冇乜貨味精，因為飲完都唔會太頸渴。另外我哋嗌左一海鮮一個肉加一個菜，海鮮方面就嗌咗個椒鹽魷魚，炸得非常香脆，外脆內軟，魷魚亦都係非常之鮮甜。燒味方面就揀咗豉油雞同埋叉燒，豉油雞非常之入味，肉質好嫩滑。叉燒仲要係半肥瘦，睇得出佢係仲梅頭去整添，真係送飯一流。最後帶咗個西蘭花炒蝦仁，蝦仁非常之彈牙，另外西蘭花亦都好爽脆， $288再加多兩杯嘢飲真係抵到笑。