六小館

放假入黎東薈城shopping，買到攰當然要補充體力。經過呢間中菜館覺得裝修幾雅致，而且見門外有唔少推廣套餐優惠套餐，幾吸引咁。推廣涵蓋左午市同晚市，午市和晚市都有提供2人和四人66折套餐，晚市仲有$66.8加購優惠。我地揀左皇牌2人晚市套餐，前菜、湯翅、主菜、主食、甜品、飲品樣樣齊，相當吸引。前菜係小館前菜三小品，顧名思義有三小碟前菜，其中我覺得最特別嘅係冷泡冰梅鐵棍淮山，好少前菜會用淮山，而淮山配搭酸梅，甜甜酸酸的非常開胃！另外嘅涼拌椒香棒棒豆乾都好好食，豆乾絲配上蘿蔔絲和青瓜絲，食落有小小麻辣，非常惹味。湯品有極品煲仔金湯燒鮑翅，原來職員會喺你面前用火即席煲滾。燒鮑翅熱辣辣食真係好正，而且裡面有大大塊嘅魚翅，真係真材實料！主菜有巴蜀燒紐西蘭頂級羊𩣑架，羊架配上孜然、芝麻等香料，燒得鮮嫩多汁，唔覺有羶味。另一道主菜係私房鮑魚蝦乾小炒王。呢度嘅小炒王非常足料，除咗常見嘅腰果、蝦乾外，呢度嘅小炒王竟然有齊鮑魚、帶子等海鮮，而且海鮮份量唔少，韭菜花亦索哂海鮮的精華，變得鮮甜無比！ 同行朋友對呢度菜讚口不絕！主食有六小館燴飯，表面看似平平無奇，原來內有乾坤！大大粒嘅蠔，入口鮮嫩多汁。燴飯仲