探花 (已結業)

上星期五約左朋友去銅鑼灣行街順便食晚飯，發現開左一間新餐廳叫探花，連夜晚都有點心，當飲個夜茶都幾得意🤣被按排坐係楓葉樹下，好有feel~~~ 餐具都好靚好精緻❤️首先叫左個話梅車厘茄子～ 超級好食！一咬落去就爆汁，酸酸甜甜，仲有淡淡桂花香味，好開胃既前菜。碧綠蟹肉羹金魚餃~ 金魚造型好吸精😍 蝦肉爽口，配上菠菜豆腐蟹肉羹好特別。西班牙紅蝦水晶餃~ 表面既粉紅色係用紅菜頭汁整，啖啖蝦肉，另外仲有一件蝦球，配上濃蝦膏汁，味道濃郁鮮味，好好味呀😋紅米腸粉~ 腸粉包住脆蝦卷，點少少豉油已經好好味！煙燻素鵝~ 絕對要相機食先！！！打開玻璃蓋時散發陣陣煙燻味道，賣相精美，口感豐富，好特別。京蔥頭抽煎牛頸脊~竟然都係煙燻上枱，好驚喜🥰 食香味俱全既配合令到食物更美味。牛頸脊厚薄適中，煮得好醂，牛味又夠濃郁。