食得好

營業中

休息中

之前同朋友試過這間Eatwell，食物質素不俗，所以一早訂位帶屋企人去試試。訂位時已選定菜式，主要都是試這裏的招牌菜。先來的食得好三寶有琵琶豆腐、蝦多士、鵝肝薄餅，一上枱已經陣陣香味傳過來。琵琶豆腐外脆內軟。蝦多士不會過油，炸得香脆，一大片蝦膠舖在多士表面，爽口彈牙。薄餅裏面夾著薄薄一片鵝肝， 充滿著油脂甘香，但又不會太膩，鬆脆可口，果然係招牌三寶。另外點了一個蟹肉竹笙花膠羹，每啖都十分足料，有竹笙、蟹肉及花膠絲，幾乎料多過水，有蟹肉鮮甜、花膠膠質黏性及竹笙的爽口，混合在一起，滋味無窮。小菜點了一個菠蘿咕嚕肉，咕嚕肉其實唔難煮，但要做得好味卻很難，這個的咕嚕肉卻令人眼前一亮，外脆肉嫩，咬落去真係聽到「咯」一聲，而且裏面啖啖肉，完全無肥膏，最重要就係每舊大小差不多，加上酸甜汁剛好掛好在咕嚕肉面，一分不多一分不少，是高質之作。