影片
更多
2019-08-16
108 瀏覽
實在係太興奮，因為今日黎到尖沙咀1881嘅梵高藝術體驗館。呢一間體驗館唔單止有嘢食，仲有甜品、油畫、各類型嘅精品，例如咖啡杯等等，唔單止係你食餐飯咁簡單，簡直係去咗一個藝術博物館，有得睇梵高嘅藝術品之餘，又可以品嚐到美食。別出心裁嘅餐廳設計就不在話下，餐桌上面嘅每一個碟或者係陪襯品，都好有梵高嘅影子。我哋總共要左兩個晚飯套餐，一個套餐包括有餐湯，餐包配牛油，前菜，主菜一個，甜品同埋一杯飲品。前菜係醃制油甘魚配柚子珍珠及血橙sauce ，比較特別嘅前菜因為佢其實係一個Sashimi，之後就有龍蝦湯配自製意大利雲吞，個龍蝦湯好濃味，再配上炸過嘅意大利雲吞好開胃呀。主菜方面我哋要咗一個香煎鱸魚配蜆肉日本香菇同埋魚肉清湯，另外要左一個西班牙豬梅頭配芹菜蓉及青葱葡萄酒汁。香煎鱸魚簡直係令人眼前一亮，脆炸嘅魚皮再配上香嫩嘅魚肉，一啖入口連埋魚湯簡直係視覺味覺嘅一大享受。至於豬梅頭，就啖啖肉非常之嫩滑配上葡萄酒汁，新鮮口味。最後不得不提嘅係佢哋有唔少特別款式嘅花茶俾大家選擇，而我哋一人要咗一款茶，分別係梵高的早餐，同埋仲夏向日葵，完全係一種食完一個高級晚餐之後有一杯好舒服嘅熱茶入口暖胃助消化，今晚一
別出心裁嘅餐廳設計就不在話下，餐桌上面嘅每一個碟或者係陪襯品，都好有梵高嘅影子。我哋總共要左兩個晚飯套餐，一個套餐包括有餐湯，餐包配牛油，前菜，主菜一個，甜品同埋一杯飲品。
前菜係醃制油甘魚配柚子珍珠及血橙sauce ，比較特別嘅前菜因為佢其實係一個Sashimi，之後就有龍蝦湯配自製意大利雲吞，個龍蝦湯好濃味，再配上炸過嘅意大利雲吞好開胃呀。
主菜方面我哋要咗一個香煎鱸魚配蜆肉日本香菇同埋魚肉清湯，另外要左一個西班牙豬梅頭配芹菜蓉及青葱葡萄酒汁。香煎鱸魚簡直係令人眼前一亮，脆炸嘅魚皮再配上香嫩嘅魚肉，一啖入口連埋魚湯簡直係視覺味覺嘅一大享受。
至於豬梅頭，就啖啖肉非常之嫩滑配上葡萄酒汁，新鮮口味。
最後不得不提嘅係佢哋有唔少特別款式嘅花茶俾大家選擇，而我哋一人要咗一款茶，分別係梵高的早餐，同埋仲夏向日葵，完全係一種食完一個高級晚餐之後有一杯好舒服嘅熱茶入口暖胃助消化，今晚一定瞓得好好。
張貼
