醉金渦 (已結業)

朋友極力推介醉金渦用餐後果然有驚喜menu 主打火鍋+生猛時令海鮮，仲有刺身和小菜。餐牌內食物種類選擇多，我地首先叫左幾款餐前小食，黄金炸魚皮係新鮮即炸，金沙旦黄配搭，不油不鹹，真係食到停唔到口另外七味九肚魚丶甘香墨魚餅份量都好足夠，好好食！湯底叫左粤式花膠冬瓜鍋拼川式麻辣鮮雞鍋煲，一次試晒兩個湯底，材料豐富講究，每一款都好滋味，打邊爐之前大家飲碗頭淡靚湯先，味道香濃，足料鮮甜，絶對感受到大廚嘅誠意打邊爐牛肉一定要食最好嘅，預先訂左鹿兒島A5和牛，另外想試多幾款牛肉質感，就再點左牛魔王拼盤，靚牛真喺與别不同，肉嫩軟腍，色澤鮮紅西班牙黑毛豬鞍架，脂肪比例剛好。手打丸類，各款有不同口感，保留原味又爽口彈牙。白鳝片丶澳洲鲜帶子丶爽脆黄喉，樣樣都好新鮮除左靚食材，飲品方面都絶不馬虎，有幾款自家製飲品，味道特别，跟火鍋完全喺絶配總括服務和環境很不錯，食得非常開心滿足，令人回味，其實仲想食刺身同埋小炒，但真係飽到上心口，下次一定再來encore