影片
更多
2023-02-11
1477 瀏覽
十二月時，有屋企人由外國返港一齊過節。難得一家人齊齊整整，加上外國返黎嘅家人想食中菜，所以就諗住揀間坐得舒服啲，適合傾偈嘅中菜廳一齊食餐好嘅。係OpenRice 搵餐廳時，見到后園啲食評唔錯，環境又靚，同埋網上訂座仲有位，所以就決定試下。后園位於1881內。相信大家都知道1881前身係水警總區總部。具維多利亞時代建築特色嘅大樓係1884年已經落成，並於1994年成為香港法定古蹟。係充滿故事嘅古蹟內食飯，別具一番風味，而大樓濃厚嘅殖民地色彩，更加令我百般滋味在心頭。餐廳裏面好雅致，座位鬆動。我地當日一行六人，點左七餸一湯兩甜品，包括：煙燻大三色素鵝；蒜泥白肉；濃湯象拔蚌菜苗；蟹肉帶子炒鮮奶；法式黑松露脆皮雞；紅燒竹笙豆腐；上湯海中蝦煎米粉；杏汁蓮子燉白肺湯；生磨芝麻卷；及奇脆奶。全家人都認為我地所點嘅餸菜都唔錯，食材有各自應有嘅味道同口感，調味岩岩好。我認為后園嘅餸菜係中菜with a modern twist 而twist 得恰到好處，唔會太造作，唔會為左twist 而twist。其中上湯海中蝦煎米粉、蟹肉帶子炒鮮奶，同埋法式黑松露脆皮雞令我最回味。上湯海中蝦煎米粉啲米粉同上湯比蝦做得
后園位於1881內。相信大家都知道1881前身係水警總區總部。具維多利亞時代建築特色嘅大樓係1884年已經落成，並於1994年成為香港法定古蹟。係充滿故事嘅古蹟內食飯，別具一番風味，而大樓濃厚嘅殖民地色彩，更加令我百般滋味在心頭。餐廳裏面好雅致，座位鬆動。
我地當日一行六人，點左七餸一湯兩甜品，包括：
煙燻大三色素鵝；
蒜泥白肉；
濃湯象拔蚌菜苗；
蟹肉帶子炒鮮奶；
法式黑松露脆皮雞；
紅燒竹笙豆腐；
上湯海中蝦煎米粉；
杏汁蓮子燉白肺湯；
生磨芝麻卷；及
奇脆奶。
全家人都認為我地所點嘅餸菜都唔錯，食材有各自應有嘅味道同口感，調味岩岩好。我認為后園嘅餸菜係中菜with a modern twist 而twist 得恰到好處，唔會太造作，唔會為左twist 而twist。
其中上湯海中蝦煎米粉、蟹肉帶子炒鮮奶，同埋法式黑松露脆皮雞令我最回味。上湯海中蝦煎米粉啲米粉同上湯比蝦做得出色。個米粉煎得香口而唔油膩，再掛上鮮甜嘅上湯，真係好滋味。蟹肉帶子炒鮮奶炒得嫩滑，味道香甜溫和，同質感相符。法式黑松露脆皮雞個法式黑松露其實係三種蘸醬嘅其中之一，另外兩種蘸醬係檸檬味同香蔥味，三隻味都各有特式，我就鍾意食香蔥味。雞本身皮脆肉嫩，有幾粒 candied pecans 點綴。啲pecans 鬆脆香口，錦上添花。
甜品方面，生磨芝麻卷同奇脆奶都不過不失。奇脆奶內有杏汁，所以會比我地平時一般食嘅炸鮮奶多左一分杏仁味。唔係話佢唔好食，但係食落會同心目中想食嘅炸鮮奶味道有落差。
我覺得后園環境同食物質素都唔錯，服務質素正常，對得住個價錢。加上佢方便嘅地理位置同埋1881本身嘅高歷史價值及高Instagramablilty，有時想食好啲食得舒服啲，或者如果要招呼外國朋友，不防考慮下去后園。
煙燻三色素鵝
$108
102 瀏覽
1 讚好
0 留言
蒜泥白肉
$168
48 瀏覽
0 讚好
0 留言
杏汁蓮子燉白肺湯
$438
51 瀏覽
0 讚好
0 留言
濃湯象拔蚌菜苗
$198
45 瀏覽
0 讚好
0 留言
蟹肉帶子炒鮮奶
$298
65 瀏覽
0 讚好
0 留言
法式黑松露脆皮雞
$338
62 瀏覽
1 讚好
0 留言
紅燒竹笙豆腐
$178
45 瀏覽
0 讚好
0 留言
上湯海中蝦煎米粉
$498
66 瀏覽
0 讚好
0 留言
生磨芝麻卷
$78
50 瀏覽
0 讚好
0 留言
奇脆奶
$168
52 瀏覽
0 讚好
0 留言
張貼
