影片
更多
2021-06-15
1058 瀏覽
細細個係住粉嶺 都住左有十幾年其中都有段童年嘅回憶係喺牽晴間可能近日我喺openrice查得多粉嶺嘅餐廳佢推薦咗呢間比我( ´▽｀) 咁見佢有得book枱就去試下啦餐廳logo比較細 一開始就略過左 平日嘅夜晚 餐廳唔多人我地一去到都冇問我地係咪booking可能都比較多位就冇特別諗住留枱揸車黎嘅去到當然即刻問有冇泊車優惠( ´▽｀)侍應個回答係呢道冇但隔離商場有。。佢係禮貌嘅 但有種 我都泊左車 坐低左啦( ´▽｀)我地三個人 睇下menuDinner set 有三個都係2人餐 一個4人餐咁我地三個就諗應該叫個2人餐再加個main定每人自己叫自己好呢？咁最後諗過 甜品都係得2份為免大家虛偽嘅禮讓最後都係決定自己叫自己一個以上嘅main 加28蚊可以轉做餐有湯有野飲咁都好嘅 唔洗為左個tiramisu 爭親矇落左單 其實餐廳裝修都有啲design兩架單車掛喺牆 旁邊有個客人可以做參考 梳發都有厚度 所以坐低定企喺度其實都唔會撞到架單車水吧位置嘅設計有啲怪( ´▽｀) 唔公開嘅話點解唔整高啲嘅牆身？諗左陣 解釋可能係透光？俄羅斯娃娃好靚 胡桃夾子都好靚應該冇乜主體想要表達嘅主題順粹老闆嘅
其中都有段童年嘅回憶係喺牽晴間
可能近日我喺openrice查得多粉嶺嘅餐廳
佢推薦咗呢間比我( ´▽｀)
咁見佢有得book枱就去試下啦
餐廳logo比較細 一開始就略過左
平日嘅夜晚 餐廳唔多人
我地一去到都冇問我地係咪booking
可能都比較多位就冇特別諗住留枱
揸車黎嘅去到當然即刻問有冇泊車優惠( ´▽｀)
侍應個回答係呢道冇但隔離商場有。。
佢係禮貌嘅 但有種 我都泊左車 坐低左啦( ´▽｀)
我地三個人 睇下menu
Dinner set 有三個都係2人餐 一個4人餐
咁我地三個就諗應該叫個2人餐再加個main
定每人自己叫自己好呢？
咁最後諗過 甜品都係得2份
為免大家虛偽嘅禮讓
最後都係決定自己叫自己
一個以上嘅main 加28蚊可以轉做餐有湯有野飲
咁都好嘅 唔洗為左個tiramisu 爭親矇
落左單
其實餐廳裝修都有啲design
兩架單車掛喺牆
旁邊有個客人可以做參考 梳發都有厚度
所以坐低定企喺度其實都唔會撞到架單車
水吧位置嘅設計有啲怪( ´▽｀)
唔公開嘅話點解唔整高啲嘅牆身？
諗左陣 解釋可能係透光？
俄羅斯娃娃好靚 胡桃夾子都好靚
應該冇乜主體想要表達嘅主題
順粹老闆嘅喜好 但係順眼嘅
餐湯同餐飲好快就到左
餐湯有兩款可以揀 紅湯或者蘑菇湯
本來以為係白色嘅忌廉蘑菇
但原來係真係有少少蘑菇蓉嘅蘑菇
咁呢個叫造足料啲( ´▽｀) 偏淡 但重蘑菇味
餐包 雖然唔熱 但都係脆嘅！
我地三個都係嗌桃茶
但三杯個味道係明顯有分別嘅( ´▽｀)
應該係蜜桃糖水嘅份量有異
所以有杯會淡啲 但咁啱都附合到我哋3人口味
黑松露煙三文魚忌廉意粉
$82
36 瀏覽
0 讚好
0 留言
意粉先到。。 唔係我tune 咗色
係佢三文魚真係咁淡色 真係唔靚同唔吸引
不過其實係好味嘅。。。
個汁同意粉係合理嘅 唔會浸到湯粉咁
又唔算係醬 冇咁稠 但每條意粉都食到味
意粉本身都唔會好淋
西班牙辣雞薄餅
$99
32 瀏覽
0 讚好
0 留言
之後係pizza
望到個雞粒分佈其實都多
可能係青紅椒少 所以睇落都好似有啲空虛唔吸引
唔知 但色水真係差啲。。
不過佢又係好食嫁喎。。。
薄批 同篤左咁多個窿 開6不平均
應該係自家製( ´▽｀)
薄批夠脆 好咬
芝士多 但食落唔漏 茄醬份量都合適
係真係好食 只係真係唔靚
芝士焗白汁海鮮飯
$80
28 瀏覽
0 讚好
0 留言
最後係白汁焗飯
唔知問題喺邊 但就係唔靚。。
上枱侍應有提醒好熱
係真係好熱！ 近塊木墊都feel到熱！
但奇怪嘅係焗飯上枱一啲香味都冇。。( ´▽｀)
個人中意佢有少少飯焦 但冇痴碗
唔燶 唔乾身 料全部放喺飯面 都算多
海洋係蝦蟹柳同青口仔
我個人覺得個味冇乜特別 偏淡 芝士味唔出
但同行人大讚個飯
真係想食都可以試下
最後附上單據
張貼
