芋圓圓 (已搬遷) 新店位置

今晚係深水埗食完個番茄烏冬，打算行下消化下，行到嚟太子，突然間醒起住係附近朋友曾經叫我嚟試下呢間芋圓糖水店（因為佢知我鐘意食芋圓，而且我係台灣同埋香港都食過好多間）。呢間係專食芋圓既糖水舖，芋圓配上好多款糖水，因第一次嚟，我揀左佢有相睇既「熱黑糖桂圓」$28（仲有好多款糖水寫晒出嚟）。算幾好既，唔太甜，各花入各眼啦，有人鐘意軟糯D，有人鐘意煙韌D，呢間芋圓係煙韌實淨果隻。好細好細間舖，只有8個位，叫左比完錢坐低前後都不斷有人買外賣。有機會再嚟食第二隻糖水配芋圓（其實有好多款糖水選擇）