清原

營業中

休息中

今日去銅鑼灣逛街，熱到頭都暈，走咗去呢間台灣過江龍以主打芋頭甜品及飲品嘅店，坐低涼吓冷氣食番碗冰品散散熱。 食過幾次覺得呢度冰品及飲品都唔錯。Menu上嘅飲品及冰品選擇之多，實在令我有選擇困難症，太多款都很想試。因為太熱關係， 最後選擇咗要碗冰品解暑，叫了碗至人氣嘅＂芋見幸福＂。芋見幸福 配料有西米，芋圓， 芋頭球， 紅豆， 珍珠再加上椰奶及碎冰。 對於我呢個芋圓控來講，芋圓做得非常好食， 煙韌又唔硬實。芋頭球嘅芋香味非常突出， 芋泥做得細緻幼滑，其他配料正常發揮。 配料加上冰碎撈起來食，Q Q彈彈，又唔會太甜， 食得涼快舒服， 滋味難忘。