你妳 (運通洋樓) (已結業)

你妳成日係社交平台見到有人打卡，全因為佢嘅食物賣相夠靚，特別多芋泥食物，粉紫色打卡一流。芋泥肉鬆吐司+芝士玉米蛋餅吐司配蛋餅一set $68，一次過嗌哂兩個邪惡嘅配搭，芋泥肉鬆吐司好把，而且脹卜卜好多料，芋泥淡淡地、肉鬆咸咸地，非常之夾。芝士玉米蛋餅呢個配料係一定好食，蛋餅煎得夠香脆，加埋個醬甜甜地，好好食。魯肉飯便當便當不過不失，呢個唔係用嚟打卡，係俾我填飽個肚，配菜都好豐富，粉絲落咗麻油撈，好惹味，魯肉半肥瘦，餸飯一流。芋泥珍珠小芋圓呢杯野幾正，有齊哂最冇得輸嘅配搭，芋泥好creamy，每啖都係一個正字。仙草2號除咗芋泥，呢到嘅芋圓都幾出色，仙草2號有三色芋圓、小芋圓、紅豆同仙草，芋圓好煙韌，仙草滑溜，口感好豐富，唔錯唔錯。