谷芋 (已結業)

喺黃埔返工有個好處，就係唔怕會餓死同渴死，因為黃埔既食肆選擇多，茶飲店亦都越開越多，今日去買外賣返公司食，竟然俾我發現有間標榜新鮮手作芋泥同無添加劑黎做其中一個賣點既飲品店，作為芋頭控既我見到芋頭同少女風既裝修就即刻心心眼要買杯黎飲。入到舖入面第一眼竟然見到有部夾公仔機同座位上面都有好多公仔，飲品店裡面有部機我都係第一次見，都真係好特別。因為太多選擇既關係，我企左一陣都諗唔到飲咩好，店員主動走黎同我介紹各款飲品，最後我終於決定好，叫左一杯芋頭櫻櫻西米露，呢杯顏色好靚，櫻花既粉紅色同店鋪裝修勁襯，另外店員一啲都唔市儈，用上大量芋泥，份量十足，上面嗰層就係西米，一啖入面有齊芋蓉同西米露，整體口感好好，好有層次，芋頭蓉好滑，最鍾意係有少少芋頭粒，有咬口，而且唔會死甜，真心唔錯。