沐白小農 (已結業)

當知道沐白小農係香港開左已經好想去試，俾佢嘅大甲芋頭鮮奶吸引住。今日去元朗搵朋友食飯緊係要去試下。作為芋頭控嘅我緊係要點大甲芋頭鮮奶($30)。而朋友就點左黑糖波霸鮮奶($30) 同埋草莓鮮奶($35)。最喜歡此店原因係每款飲品都係用鮮奶沖製，而不是用人工奶精或奶粉。大甲芋頭鮮奶係選用左台灣大甲產地的芋頭同芋頭泥，再加埋鮮奶，芋泥非常濃郁綿密，仲食到啖啖嘅芋頭粒粒，必試之選！而黑糖波霸鮮奶每粒珍珠都有黑糖味，非常煙韌彈牙，有咬口！最後係草莓鮮奶，以原粒智利入口嘅草莓打成草莓果泥， 啖啖果肉，口感更加豐富。