谷芋 (已結業)

當坊間越來越多珍珠奶茶及咖啡店，呢間反而用芋頭作為主打產品，風格特別，裝修以全粉紅色為主，好有少女味道，搞到我哋啲男士行過唔係幾好意思唔買杯比個女朋友。芋頭布能用豆奶做底，再加上豆腐及芋頭珍珠等，口感特別，唔會太甜，芋頭芋泥底比較硬而配合豆腐軟身，有層次感。草莓白虎奶蓋，飲落去感覺好清新好 fresh ，草莓味好濃但係又唔會好假，甜度啱啱好，豆腐同奶蓋好融合。可能係新開張嘅關係，服務好好，好有線又會教我點樣去飲同埋點樣揀。