沐白小農 (已結業)

阿女今日喺荃灣練波， 放學之後已經要立即揸車送佢過嚟， 食咗個麵包之後就一路等， 當佢練完嘅時候已經好肚餓， 想同佢去食飯， 佢已經話攰到唔想食， 同埋有啲頭暈。呢個時候最需要補充糖分 ，咁啱經過台式飲品店， 立即叫咗可可鮮奶畀佢， 我又再睇下有咩好飲先。顏色鮮明， 味道香濃 ，小朋友好鍾意呢製作都好認真㗎 ，後面全部都係出名品牌嘅鮮奶，豆漿， 質素一定有保證。我揀咗呢杯黑糖波霸鮮奶， 飲落去黑糖甜香， 入口軟糯， 而且好多珍珠， 每一啖鮮奶都飲到珍珠， 坊間少見。太太來到都叫咗包杯招牌 大甲芋頭鮮奶， 佢表示啲芋頭好香 ，每一啖鮮奶都飲到芋頭蓉， 間中有食到芋頭粒， 估唔到可以將中式糖水用飲管飲入口， 一家三口都非常滿意。