沛公甜品 (已結業)

之前行街經過見到有好多芒果甜品,作為芒果的愛好者,一定要試下。今天在附近吃完晚飯,特意過來買甜品回來跟同樣愛好芒果的媽媽分享。一早諗定要一件心花怒放同芒果千層蛋糕。不過我見有勁量版,當然要勁d啦。不過賣餅哥哥話今天正在做優惠,+$15有芒果千層蛋糕。我其實第一次試,都唔知有咩分別。哥哥就話勁量版口感好d,有多一倍的芒果肉,聽完之後,毫不猶豫揀左勁量版。由於晚飯吃得太飽,而且回家已晚,甜品沒有即晚食,雪左一晚先品嘗。心花怒放($33)賣相一流,以芒果砌成的玫瑰花已經引起食慾。玫瑰花下面係pancake包住芒果布甸,不過我就覺得布甸味道麻麻,有d似酒樓沖粉整個d布甸的味,而且布甸亦無芒果肉,好在玫瑰花唔酸,有好肉,幫補一下。勁量版芒果千層蛋糕($33)超好味~~真係勁多芒果肉,啖啖都有。可能芒果肉多,所以cream的份量也剛好,很好味的甜品。