沛公甜品 (已結業)

每次... 係每次！我同朋友食完飯行完街，你都總係會見到聰嫂好多人，但係我唔明... 隔壁沛公其實唔差但人流明顯較少，所以我真係要幫佢平反一下。 （當然，我每次一入去就會突然好多人入，然後最後坐爆哂人.... =_=") 餐牌其實無乜點變，只係因為冬天嘅緣故，所以多左個《期間限定暖笠笠糖水》嘅餐牌不過由於呢度嘅榴槤甜品太出名，所以我就想試下啲另類啲嘅（大路啲嘅）甜品，今次就點左一直吸引我眼球嘅心花怒放＄45，因為令我諗起Tony Wong 嘅著名玫瑰cake 啊～單係賣相真係拎滿分，而且都幾考功夫，係芒果唔太當造嘅季節都可以有咁甜咁深黃色嘅芒果，可見店家除左榴槤之外，都落左功夫。而最底層係用左芒果布甸去做，好香滑，而且吃得出粒粒芒果，不過我個人認為味道有點像梳打汽水～另外我又怕自己唔飽，叫左個「雪中落日」個名起得係有詩意嘅，因為其他地方應該會係叫芒果腸粉。佢唔似其他甜品舖咁加芒果汁啊、朱古力醬呀、士多啤梨醬呀咁～ 佢真係原條上 ！個人喜好係乜都唔加嘅～雖然佢做唔到有卷幾卷嘅效果，不過我同朋友一致覺得個皮真係食得出好濃厚嘅椰汁味道，而且個皮亦好爽口，看來椰汁和蒟蒻粉的比例控制得不錯～由於