Mango X'press (已結業)

今日出左尖沙咀行街，肥妹女友突然拉我快步走，心諗條友唔通見到前度定見到仇人，原來係佢見到呢間Mango X'press雙眼發光，去到佢已經諗好食咩同飲咩，條友肯定成日黎幫襯，我睇左輪，芒果奶茶幾得意咁，叫左個黎試下，肥妹女友就叫左個香辣蒜香雞同蘋果雪梨茶芒果奶茶都幾特別，奶茶帶有淡淡嘅芒果味唔會好甜，有啲星星粒啫喱同椰果咁，幾有咬囗蘋果雪梨茶都幾清甜，底下有啲經過製作嘅蘋果肉，略甜，肥妹女友飲左啖又飲我果杯一啖之後，即刻牛咁眼望住我果杯，梗係啦，我果杯對比下好飲啲，但我係唔會比佢飲嘅跟住就係香辣蒜香雞，呢個又真係幾出乎意料，其實隔離舖就係豪xx雞扒，點解唔食隔離要喺度買，除左佢唔同豪xx一種味之外，呢度用左香蔥，香料，香蒜同辣椒，成件事好惹味，雞肉入味之餘嫩滑唔乾身，配埋啲香蒜食就係好醒胃，一碗有成十幾蚊，過囗癮一流