泰芒了 (已結業)

由於我選擇了加大杯裝，所以呢杯野份量十分驚人，等於1.5杯大杯台式飲品咁多，基本上飲完食完一定飽。先講講佢嘅整體結構，最上面係四大塊厚切嘅芒果肉，新鮮香甜，食落啖啖肉又無渣，果肉包圍住中間係一堆芒果味嘅棉花冰，幼細易入口，飲落小小係一層傳統蛋糕嘅cream，順滑帶有微微甜味，最好就係撈埋下面嘅芒果汁一齊食，咁樣會冇咁膩。最後，芒果汁算係好甜，雖然當中飲得出唔係100%芒果鮮榨，但都算係原汁原味架啦。以一杯飲品或者一個甜品來講係好足料，如果係特別喜歡芒嘅人絕對值得一試。