影片
更多
2020-11-21
881 瀏覽
今年爸爸生日就買左Pie & Tart嘅芒果天使慶祝🎉。原本逢親屋企人生日，幾乎次次都系買紅車厘麵包西餅嘅栗子蛋糕慶祝嘅，已經連續買左5、6年，平得嚟，份量又足，又多生果，又好味。但系個栗子蛋糕圍邊嘅杏仁片真系肉眼可見嘅越嚟越少，比起第一次買果陣至少少左三分一（應該唔止）。同埋入面蛋糕底都系年年縮水，反而D cream就越嚟越多😥。所以今年咪林住去第二間買生日蛋糕，試下新口味囉~咁啱係網上討論區見到有人話Pie & Tart嘅蛋糕係平靚正之選😍，咪去試下囉。本身住係港島區，屋企附近無Pie & Tart分店，要特登去銅鑼灣買（無記錯嘅話，港島區好似得銅鑼灣一間分店🧐）。之前係討論區見到有人upload咗d店鋪嘅相，見到鋪頭都會有蛋糕擺咗出嚟俾人揀嘅。因為係第一次買，就林住去到分店睇下d蛋糕款式先決定買唔買囉。點知，去到分店，淨系見到擺咗d撻同麵包，見唔到任何蛋糕，店員話蛋糕店內無現貨，要訂先有。銅鑼灣間鋪頭唔算大，唔知系咪因為咁樣先無可以即場買嘅蛋糕呢？定系因為平時都無咩人會去間鋪walk in買蛋糕？無論點都好啦，都決定左今次要試下Pie & Tart嘅蛋糕嘅。係官網睇左蛋糕款式，決
原本逢親屋企人生日，幾乎次次都系買紅車厘麵包西餅嘅栗子蛋糕慶祝嘅，已經連續買左5、6年，平得嚟，份量又足，又多生果，又好味。但系個栗子蛋糕圍邊嘅杏仁片真系肉眼可見嘅越嚟越少，比起第一次買果陣至少少左三分一（應該唔止）。同埋入面蛋糕底都系年年縮水，反而D cream就越嚟越多😥。所以今年咪林住去第二間買生日蛋糕，試下新口味囉~咁啱係網上討論區見到有人話Pie & Tart嘅蛋糕係平靚正之選😍，咪去試下囉。
本身住係港島區，屋企附近無Pie & Tart分店，要特登去銅鑼灣買（無記錯嘅話，港島區好似得銅鑼灣一間分店🧐）。之前係討論區見到有人upload咗d店鋪嘅相，見到鋪頭都會有蛋糕擺咗出嚟俾人揀嘅。因為係第一次買，就林住去到分店睇下d蛋糕款式先決定買唔買囉。點知，去到分店，淨系見到擺咗d撻同麵包，見唔到任何蛋糕，店員話蛋糕店內無現貨，要訂先有。銅鑼灣間鋪頭唔算大，唔知系咪因為咁樣先無可以即場買嘅蛋糕呢？定系因為平時都無咩人會去間鋪walk in買蛋糕？
無論點都好啦，都決定左今次要試下Pie & Tart嘅蛋糕嘅。係官網睇左蛋糕款式，決定左要訂芒果天使。拎部電話俾咗店員睇個蛋糕款式同名，同埋都有同佢講要「芒果天使」嘅，點知佢準備寫單果陣，就拎住本蛋糕menu（佢都用咗唔短嘅時間嚟揾本menu）指住第二款芒果蛋糕嘅圖片，問我系咪要果款。我緊係即時話唔系啦，就又拎部電話俾佢睇多次個蛋糕款式同名啦，跟住佢就好似好疑惑咁，答我「無喎，我哋無哩款蛋糕喎，芒果蛋糕得哩款喎……」😳😳😳。跟住佢又成本menu睇多次，終於係menu到揾到「芒果天使」。真心覺得佢對產品唔熟悉🙃。
之後就落單啦。蛋糕本身158蚊，唔包朱古力牌或糖牌嘅，要另外加錢，糖牌一個5蚊，朱古力牌要10蚊。果陣，單已經差唔多寫好啦，聽到蛋糕本身無牌，突然間唔系好想買，就同店員話唔好意思唔訂住啦，跟住走左。店員都好好人，無話咩野（至少無當面話啦）。之後，林咗一陣都系決定左要定個蛋糕，就行翻轉頭，果陣店員已經將之前寫好張單撕爛dum咗。佢好好人，同佢講都係要訂個蛋糕，佢又即時拎翻紙碎重新寫過張單，態度好好。
因為驚到時蛋糕會有太多cream，我咪試下問佢蛋糕可唔可以少D cream，佢話到時會同師傅講聲。費時佢到時唔記得講啦，我就即時請佢係張單到備註番「少cream， 少糖」，佢果陣都無話唔得嘅，都系寫咗（有單為證）。點知，到我搭緊車返屋企果陣，佢又打電話嚟話Fax張單俾寫字樓睇，寫字樓話無得少cream少糖😳。哈？唔得嘅話，落單果陣又唔講，定系其實根本你自己都唔清楚啊？對產品根本都唔瞭解囉~講真，果下真系有D嬲嬲哋，就問佢唔訂退錢得唔得，佢話都得嘅。但之後費時麻煩，嬲尾都系照訂嘅。
到拎蛋糕果日，去到同佢講要拎蛋糕，佢先由雪櫃拎個已經入咗盒嘅蛋糕出嚟。佢哋個蛋糕盒比較似箱多d，唔係果種揭蓋嘅，個頂係似箱咁樣左右合埋嘅。佢當時未封個盒頂嘅，俾我睇咗之後先用膠紙封好個盒。我加咗個朱古力牌，朱古力牌係同蛋糕分開嘅，另外擺咗係個塑料盒入面，店員讓我等要食蛋糕果陣先自己插翻上去。
——————————————————
👀順便講埋：
（1）佢哋個撻同批款式都幾多下嘅，價錢唔算平。但系去訂蛋糕同拎蛋糕果陣都見到每隔幾分鐘就有人會嚟買件撻或批，證明D撻同批應該都係幾好味嘅。今次淨系買咗蛋糕，無買撻或批，下次有機會試下。
（2）之前係長沙灣地鐵站好似都見到有分店，D撻同批望落去好好味咁，香味都好濃郁。但系今次係銅鑼灣分店就聞唔到咁濃郁嘅香味啦，感覺好似無長沙灣分店好食，同埋無咁吸引。可能係因為D撻同批已經整好左一段時間，唔系熱辣辣啱啱出爐掛?
（3）銅鑼灣分店店員嘅服務態度真系好好（同我接觸嘅主要都系較年長果位店員），同埋有交代啦，知蛋糕無得少cream同少糖後就會特登打電話通知。唯一缺點就系好似對公司嘅凍品（蛋糕之類嘅野）好唔瞭解。
（4）其實本身林住係加糖牌嘅，但系店員就話唔到糖牌整出來大概會系點樣，淨系用手比到個大概size俾我睇。我咪上網揾圖片俾佢睇，問佢系咪差唔多係咁囉，佢話自己都唔清楚喎，話個糖牌應該唔係彩色，無咁靚。費時到時整咗嘅糖牌太過樣衰，我唯有選擇加朱古力牌囉。
——————————————————
食評：
芒果天使蛋糕(1磅)158蚊，朱古力牌另外加10蚊，合共168蚊。免費附贈切蛋糕嘅塑料刀一支同埋三支生日蠟燭。
比起出邊嘅朱古力牌，Pie & Tart 個朱古力牌可以話係十分之厚，上面嘅字清晰。
講真蛋糕望上去都幾靚嘅，有芒果啫喱圍邊，個面有d細細粒圓圓哋餅乾、士多啤梨同埋馬卡龍。
馬卡龍個樣好好睇，但系好難食。食落去好林好黐牙同埋個餡太甜，簡直甜到懷疑人生。
本身以為入面會係海綿蛋糕同慕斯平均分配，點知慕斯幾乎佔咗成個蛋糕嘅四分三，海綿蛋糕好少好少（每層高度得1cm左右）。海綿蛋糕同慕斯梅花間竹咁樣，各有兩層。慕斯配海綿蛋糕都幾好食嘅，好似食緊雪糕咁。
芒果啫喱圍邊見到有芒果果粒，果層圍邊唔會太甜，感覺唔到有咩味，麻麻哋啦。
唔記馬卡龍同啫喱圍邊嘅話，整體來講，蛋糕都幾好味嘅，慕斯好creamy。當然，如果無咗馬卡龍同啫喱圍邊，蛋糕可能會無咁靚。蛋糕又靚，份量又足，同埋好味，咁樣質素嘅蛋糕要158蚊，個人覺得係接受到嘅。
——————————————————
簡單總結:
（1為最低分，10為最高分）
外觀：8
味道：7（馬卡龍太難食啦！）
價錢：6
店員服務態度：8
店員對產品瞭解程度：3
張貼
