許留山 (已結業)

今日同男朋友去左旺角睇戲，睇完戲行下街之後唸住返屋企。咁岩經過許留山，就比佢門口櫥窗個大大個芒果布甸深深咁吸引左我啦。原來大大個既芒果布甸只限外賣，不設堂食。咁都無所謂，反正我都係打算買返去食。外賣會跟一碗仔既花奶同幾支膠餐具，一d都唔馬虎。建議買返屋企最好雪一陣先食，芒果布甸始終凍冰冰先正。面頭仲舖左幾舊芒果。芒果食得出係新鮮芒果，勁好食又甜。加d花奶又另一番風味。咁大個芒果布甸都係65蚊。一個字，抵！