好好甜品

營業中

休息中

上兩星期去完學校旅行後去左呢度食甜品，今次係我第一次食。本身知道呢度芒果甜品是最出名，於是試了個芒果黑珍珠，由於係下午四五點時候冇咩人，所以好快就有得食。當初以為黑珍珠係好像種子的那款黑珍珠，點知原來珍珠係飲珍珠奶茶既珍珠，有些少失望添。好彩珍珠都好彈牙，唔會一pat pat。除左有黑珍珠外，仲有兩大舊芒果肉，酸甜度岩岩好，雖然唔係芒果當做時期，但都咁甜咁好味。甜品以芒果汁打底，再加上用糖水稍稍調較過，味道當然唔會差呢。相對黎講，呢到甜品價錢較為大眾化，大部分不過二十蚊就有得食，不過款式就好像較為少，但都算係可以食甜品既好地方．