影片
更多
2019-04-23
441 瀏覽
假如食物不似你預期本人好鐘意食泰國菜，黎到東大街，有咁多美食，但我都揀左一間泰國菜，因為我見到OpenRice嘅食評有好多好評，但點知呢個就成為左我今晚最錯嘅決定。我哋兩個人總共叫咗三樣嘢，第一係柚子蝦沙律，第二係冬陰功雞煲，第三係芒果糯米飯。柚子蝦沙律係ok嘅，啲柚子肉係正常嘅，啲蝦都係正常嘅，不過我喺出面食過啲比較足料嘅會有啲魚仔乾喺上面增加啲咬口，呢度嘅配料就爭左少少。冬陰功雞煲令我幾失望，冬陰功本身就夠味嘅，但敗筆係啲雞肉，唔入味之餘啲肉仲好鞋。食完呢兩樣嘢，覺得頗失望，但我同自己講，可能係叫錯嘢姐，俾多次機會啦，叫一個大家喺食評都話好食嘅芒果糯米飯！我話，如果連芒果糯米飯都唔掂嘅話，我就俾負評。結果係點？以下係令人絕望嘅芒果糯米飯，一個價值$52元正嘅芒果糯米飯。侍應將呢碟嘢擺上台之際，我滿腦子都是疑問：點解同我日常嘅認知有咁大分別？點解係咁白嘅呢? 莫非係新品種嘅芒果，就好似日本嗰隻淡雪士多啤梨咁？然後我嘗試用叉吉一下，大佬，唔係路，青木瓜般的硬度，好大力先吉到。再咬一啖，青木瓜的爽脆，再帶頗強烈的酸味，或者喺呢個平行時空入面，我食緊嘅係青木瓜糯米飯。我舉手向侍應示意，向佢
本人好鐘意食泰國菜，黎到東大街，有咁多美食，但我都揀左一間泰國菜，因為我見到OpenRice嘅食評有好多好評，但點知呢個就成為左我今晚最錯嘅決定。
我哋兩個人總共叫咗三樣嘢，第一係柚子蝦沙律，第二係冬陰功雞煲，第三係芒果糯米飯。
柚子蝦沙律係ok嘅，啲柚子肉係正常嘅，啲蝦都係正常嘅，不過我喺出面食過啲比較足料嘅會有啲魚仔乾喺上面增加啲咬口，呢度嘅配料就爭左少少。
冬陰公雞煲
29 瀏覽
0 讚好
0 留言
冬陰功雞煲令我幾失望，冬陰功本身就夠味嘅，但敗筆係啲雞肉，唔入味之餘啲肉仲好鞋。
食完呢兩樣嘢，覺得頗失望，但我同自己講，可能係叫錯嘢姐，俾多次機會啦，叫一個大家喺食評都話好食嘅芒果糯米飯！
我話，如果連芒果糯米飯都唔掂嘅話，我就俾負評。結果係點？以下係令人絕望嘅芒果糯米飯，一個價值$52元正嘅芒果糯米飯。
芒果糯米飯
$52
21 瀏覽
0 讚好
0 留言
侍應將呢碟嘢擺上台之際，我滿腦子都是疑問：點解同我日常嘅認知有咁大分別？點解係咁白嘅呢? 莫非係新品種嘅芒果，就好似日本嗰隻淡雪士多啤梨咁？然後我嘗試用叉吉一下，大佬，唔係路，青木瓜般的硬度，好大力先吉到。再咬一啖，青木瓜的爽脆，再帶頗強烈的酸味，或者喺呢個平行時空入面，我食緊嘅係青木瓜糯米飯。
我舉手向侍應示意，向佢請教：「呢個係咪新品種？或者你會唔會俾左個青木瓜我？」
侍應走去請示一個疑似老闆嘅人，老闆行過黎，望住枱上的芒果，不禁失笑：「er，我諗呢個芒果係有啲生同未熟。」我向他重申呢個芒果好硬同好酸，佢回答：「睇落的確係好似一舊生嘅蕃薯咁！唔好意思，因為我地已經用晒啲熟嘅芒果，所以我就算再開一個芒果，都會係咁樣。不如我剩係收你糯米飯錢啦，扣三十二蚊俾你，收返你廿蚊啦！
我只想快啲離開，所以算了。如果我係老闆嘅話，我應該會直接waive 左成個芒果糯米飯嘅錢；如果我係侍應嘅話，我見到咁嘅色嘅芒果，我唔會捧出黎；如果我係個整甜品嘅師父，當我切開個芒果見到咁嘅色，我會話同個客講賣晒啦；如果我係你，我唔會食呢度😭
張貼
