曼菊泰國料理 (已搬遷) 新店位置

葵廣不嬲多野食，近排都多左好多泰國食品，今次經過就試下芒果糯米飯。芒果糯米飯 $35用app落單仲可以減3蚊。落完單等左一陣就有得食喇，賣相都不錯，飯有兩個色，我自己就中意食白糯米多啲，但店員就話無得轉做全部白糯米，咁就由佢。啲飯都幾大份，仲熱辣辣既，面頭有啲脆脆，不過因為個飯太熱所以林左，如果個飯係暖既感覺應該會再煙韌啲，椰汁我就覺得咸左啲。整體黎講係好食既，芒果夠甜，個飯既量亦夠多，食完好飽肚，性價比高。